【Now新聞台】截至早上11點，1小時內《彭博》用戶關注度上升最多港股，依次為小米集團、中國鋁業、南方航空、世茂集團及騰訊控股。
美國暫時撤銷針對小米嘅禁令，即暫時解除美國投資者購買及持有小米證券嘅限制。小米畀美國制裁後，制裁前股價喺30元以上水平，即使近日急升，都只係上返25元水平，後市可唔可以收復更多失地？
圓通環球金融集團行政總裁曾永堅指，雖然小米暫時獲撤銷禁令，可紓緩資金流走問題，但仍受環球市場對新經濟股嘅取態困擾，而小米不論估值、資金流向仍然有不利影響，加上睇返技術走勢，股價仍阻力重重，包括26元，所以短期要重上30元應該唔容易。
