【Now新聞台】截至早上11點，1小時內《彭博》用戶關注度上升最多港股，依次為聯想集團、中國石油化工、澳博控股、旭輝控股)及合景泰富。
聯想連續第二日上榜，但股價今朝大部分時間向下，一度跌近5%，四日累跌逾16%。
耀才證券研究部經理譚智樂指，暫時都搵唔到有咩原因，導致聯想跌穿9元支持位，今日一度低見8.65元，但睇返圖表，聯想走勢其實唔算差。佢又話，如果今日收市上唔返9元，宜先止蝕或等股價回落到8元再買入。
至於聯想回A，譚智樂就話，A股依家偏弱，見到陸續有維穩措施出台，喺呢種情況下，短期內一般較難有新股上市，但聯想嘅情況就有啲唔同，要回A股係唔難。
