【Now新聞台】截至早上11點，1小時內《彭博》用戶關注度上升最多的港股，依次為華潤萬象﹑合景泰富﹑華潤置地、萬科企業﹑花樣年控股。
華潤萬象股價中午收市前仍逆市造好，公司噚日收市後發盈喜，預期舊年多賺最多1.3倍，主要受惠於去年下半年，開始向寫字樓提供商業運營服務，又向購物中心提供商業運營服務，令公司收入大增。
大華繼顯執行董事梁偉源指，華潤萬象舊年12月初上市，第一份全年成績表靚仔係正常。近期物管股受資金追捧，華潤萬象發盈喜，加上今日收市後恒指季檢結果就會出爐，華潤萬象有機會納入港股通，即北水可以買，由於市場有呢個憧憬，所以股價今日特別硬淨，喺咁多物管股中跑出。
