【Now新聞台】截至早上11點，1小時內《彭博》用戶關注度上升最多的港股，依次為永利澳門、銀河娛樂、新奧能源、澳博控股、美高梅中國。
由今日開始，所有經內地入境澳門嘅人士，都唔需要強制隔離，市場憧憬利好澳門旅遊及賭業，今朝上榜嘅5隻股份中，賭股佔4席，而多隻賭股嘅股價大升近10%，其中銀娛股價直逼2014年紀錄高位，早市大升近11%，點解銀娛可以跑出？
京華山一國際研究部主管彭偉新認爲，銀娛同其他賭股嘅分別在於佢係指數成分股，本身都多捧場客，由於有指數成分股呢個光環，睇好澳門賭業前景嘅長線投資者都傾向買銀娛，由於有較大比例資金追入，銀娛就跑嬴同屬「本地薑」嘅澳博。
