【Now新聞台】截至早上11點，一小時內《彭博》用戶關注度上升最多的港股，依次為眾安在綫、龍源電力、信義光能、中石油、九龍倉置業。
線上醫療與保險股全線造好，屬線上保險概念嘅眾安在綫，股價連升第5日，今早表現愈升愈有，一度升至69.45元，逾兩年半以來首次重返招股價59.7元。內地線上經濟發展仍屬起步階段，眾安在綫技術上終於突破去年7月以來受掣喺56元的大關，後市繼續睇好？
圓通環球金融集團行政總裁曾永堅認為，眾安公布盈喜，資料顯示眾安轉虧為盈，預期2020年度帶來不少於5億元人民幣的淨利潤，資金爭相買入眾安，所以股價同成交量都有顯著嘅升幅。另外，資金睇好新經濟股龍頭以外嘅股票，即除咗較大型嘅騰訊控股、美團外，第二梯隊如平安好醫生，資金都積極建倉。眾安股價勢如破竹，Jasper話，就算去唔到歷史高位，都可以試下85元水平。
