【Now新聞台】截至早上11點，1小時內《彭博》用戶關注度上升最多港股，依次為藥明生物、銀河娛樂 、萬洲國際、新奧能源 、思摩爾國際。
藥明系嘅藥明康德今早發盈喜，帶挈同系藥明生物股價都有得升。
大華繼顯執行董事梁偉源認爲，唔少投資者都會留意有利好消息嘅股份，加上藥明生物業務透明度高，投資者都憧憬藥明生物會跟住發盈喜，因而炒起股價。
梁偉源補充，過去一年，疫苗及醫療器械需求急增，市場對醫療相關股看法正面，相信唔少資金都揀醫藥相關股避險。
【財經TOP SEARCH】醫藥股變「避險天堂」
【財經TOP SEARCH】醫藥股變「避險天堂」
