【Now新聞台】截至早上11點，1小時內《彭博》用戶關注度上升最多的港股，依次為吉利汽車、中國宏橋、康希諾生物、新世界發展及思摩爾國際。
吉利股價今早破頂，更錄得七個月以來最大升幅，半日收市升逾17%，市傳吉利夥拍百度生產電動車。
大華繼顯執行董事梁偉源指，其實呢個消息由去年底醖釀到依家，當時吉利增加多條生產線，市場認為吉利有空間同百度合作，但消息仲有待吉利證實，反而吉利確認同Benz合作，開發Smart電動SUV，獲摩通「祝福」，話目標價睇50元，刺激吉利一下子跑贏長城汽車。
Steven又話，吉利暫時睇40元，後市留意回A消息，一旦落實再炒一轉。
