【Now新聞台】截至早上11點，1小時內《彭博》用戶關注度上升最多的港股，依次為小米﹑澳博控股﹑美團﹑福萊特玻璃﹑雷蛇。
小米上周被掟入美國「禁投黑名單」，但有大行出報告力撐，話「禁投令」對小米業務影響有限，雖未大行冇削目標價，亦冇降評級，但都冇叫人趁低吸納，小米今早係三大交投最活躍港股，一度彈上30元，到底現水平值唔值博？
圓通環球金融集團行政總裁曾永堅指，大行對小米抱靜觀其變嘅態度，有投資者喺50天線附近博反彈，市場暫未知美國嘅制裁會唔會擴至零部件供應商，主流睇法係拜登上台，中美關係應該會改善，但美國喺科技戰一早視中國為主要對手，小米及華為嘅電子產品係國際市場銷售強勁，小米可能成美國嘅打壓對象，投資者博唔博都係要睇拜登上台對華嘅政策。
Jasper又話，小米今日只係反彈，除咗50天線，即28.5元水平，依家仲喺上升通道，短期都會有支持，但冇貨想追入嘅話，最好就睇定啲先。
