【Now新聞台】截至早上11點，1小時內《彭博》用戶關注度上升最多的港股，依次為郵儲銀行﹑小米集團﹑思摩爾﹑建設銀行﹑中國海洋石油。
兩隻內銀股上榜，其中郵儲行股價、關注度齊急升，一度創5.63元新高。
大華繼顯執行董事梁偉源指，郵儲行今日股價大升，除咗基本因素改善外，亦因為曾被指有機會成為「股神」巴菲特接班人之一的李祿，旗下喜馬拉雅資本入股，令市場大量資金跟風追入，而噚日出咗業績快報嘅招商銀行基本因素改善，亦對郵儲行股價有幫助。
Steven又提及，去年讓利指引令四大國有銀行盈利受壓，所以去年第四季業務唔容易出現爆炸性增長，去年業績出現倒退嘅機會較大。
