【Now新聞台】截至早上11點止，《彭博》Top Search No.1為永利澳門，第2至第5位為中國平安、騰訊控股 、美團點評和中國海洋石油。
聽日就係年三十，就係送走「土豬」迎「金鼠」。對上一個鼠年喺2008年，當年金融市場受次按危機、法興事件影響，港股喺新春首個交易日暴挫853點，打破11年來紅盤高開嘅傳統 ，之後全個生肖年累跌46%。
豬年尾段市場消息都唔多好，先有美伊關係轉差，後有新型冠狀病毒肺炎擴散，唔通今次鼠年都未必可以紅盤高開高收？睇返土豬年各恒指成分股嘅表現，表現好嘅包括手機相關股、醫藥股等，但面對疫情嘅不確定因素，炒獨特概念或者炒消費股都未必行得通，睇嚟金鼠年揀股都要睇吓點避開受疫情影響嘅板塊。
