【Now新聞台】截至早上11點止，《彭博》Top Search No.1為融創中國，第2至第5位為騰訊控股、中國平安、舜宇光學、旭輝控股。
兩隻上榜嘅內房股融創中國同旭輝控股，本周都公布發行優先票據詳情，融創之後就再配股，而旭輝就額外發行票據，市場對於內房連環集資反應係點呢？
大華繼顯執行董事梁偉源表示，內房股集資主要係用嚟還舊債。雖然係咁，但市場反映內房股發債嘅效果唔錯，發完債再加碼集資，可見投資者相信企業資金有能力回籠，對於內房股整體上有信心。
Steven又話，融創上年業績表現非常好，相信今年表現都會繼續強勢，中央又要睇住內房嚟保住經濟增長，內房版塊今年跑贏大市機會好大。
