【Now新聞台】【Now財經台】截至早上11點止，《彭博》Top Search No.1為李寧，第2至第5位為碧桂園、安踏體育、騰訊控股及吉利汽車。
美伊緊張局勢同埋武漢爆發不明原因肺炎，都令金融市場憂慮黑天鵝再現。同我哋比較近身嘅武漢肺炎疫情，唔少人都會諗返起2003年沙士，當年本港股市樓市都陷入低谷，但其實對市場嘅影響只係好短暫。
睇返當年嘅數據，2月21日病毒傳入香港，當日恒指收報9250點，約兩個月後見全年低位8409點，跌咗9%，之後疫情受控，6月初指數就重上10000點，年底更升至12575點。
至於樓市方面，中原城市領先指數喺病毒傳入起計，到同年8月見底，跌咗10.5%，之後好快就反彈，依家比起當時更加累升咗約4倍。
