【Now新聞台】截至早上11點止，《彭博》Top Search No.1為吉利汽車，第2至第5位為中國平安、騰訊控股、永利澳門及中國移動。
武漢新型冠狀病毒肺炎嘅陰影，籠罩市場，而參考當年香港經歷「沙士」期間，當時股市樓市跌入低谷，由傳入香港計至年內低位，股樓都係跌約一成，然後好快彈。不過，今早個市跌得急，呢次武漢新型肺炎對股樓嘅影響，仍屬未知之數。
而航空、旅遊娛樂等股份繼續受壓，因為確診病例已擴散至泰國及日本，呢兩個正正係內地人兩大旅遊熱點，摩通於報告就提醒大家，如果今次疫情拍得上沙士，短期航空及機場股，勢必因旅客量增長放緩而受影響。
