0
0
足本訪問:坂口健太郎讚 與Stanley合作能感受不同世界觀 李準基孖各地人員拍攝 由懷疑變無悔 大表哥見識日韓男神為劇集準備感大開眼界 柯佳嬿可惜未能與全部演員對戲|Viu1現場實況

足本訪問:坂口健太郎讚 與Stanley合作能感受不同世界觀 李準基孖各地人員拍攝 由懷疑變無悔 大表哥見識日韓男神為劇集準備感大開眼界 柯佳嬿可惜未能與全部演員對戲|Viu1現場實況

【Viu】將於10月6日晚首播嘅《綁架遊戲 kiDnap GAME》 ,到時喺ViuTV網上平台率先緊貼日本播放!劇集橫跨香港、台北、首爾、東京、新加坡、曼谷、馬尼拉、沖繩等多個亞洲地點取景拍攝!一眾演員包括日本「鹽系男神」坂口健太郎、韓國男神李準基、香港新晉演員MIRROR成員Stanley邱士縉、台灣劇后柯佳嬿等等,日前喺東京出席完首映禮後受訪!

坂口健太郎講到接拍原因,佢話第一次聽到呢齣戲時,被大規模氣勢壓倒,睇劇本時已擔心唔知拍唔拍到咁大場面,但同導演、監製傾完後被佢哋嘅熱誠打動!而李準基就話初初收到劇本都有同感,又期待又懷疑,仲有啲擔心太冒險,但見到導演誓要將項目做到最好嘅決心,真係好打動到佢。拍完之後,李準基直言「真係可以話冇後悔」,雖然當初有啲不安,擔心同五湖四海嘅工作人員夾唔嚟,好彩導演夠英明夠熱誠,先令大家上下一心,好有滿足感!

講到同李準基合作,坂口健太郎話起初由韓國場景開始拍,雖然環境好辛苦,例如由一個好凍嘅地方拍到去到第二個好熱嘅國家,溫差好大,但李準基嗰份沉著、開朗同投入演戲嘅專注,幫咗佢好多,亦令佢受到感染,好多時一到埋位前,兩人就好似已經心意相通咁。李準基則指最初大家都擔心用邊種語言相處、點入戲,但感受到大家嘅決心同溫暖、熱情,就可以一齊行落去。

至於坂口健太郎之前都喺香港拍過嘢,佢話今次喺香港同其他城市都有機會喺地標建築前面拍攝,同Stanley拍嗰陣,真係體驗到日本拍唔到嘅世界觀,係香港先拍到嗰種味道,加上喺唔同城市拍,佢大讚個規模同氣勢真係好正!

Stanley覺得李準基同坂口健太郎兩位男神令佢大開眼界,更開心嘅係令佢可以體驗拍日劇嘅感覺,尤其係見識到日韓演員拍攝時點樣做準備,對佢嚟講係好好嘅經驗!柯佳嬿笑言當初覺得兩位男神好有距離感,有種嚟睇明星嘅感覺,但後來就見識到佢哋對工作既專業又投入,覺得很好呢。佢坦言今次只同李準基、坂口健太郎有對手戲而感到可惜,希望未來可以同其他演員再合作。

  1. 更多