【Viu】10位MIRROR成員包括Lokman、AK、姜濤、Ian、Stanley、Jeremy、Jer、Alton、Frankie同Tiger今日去電台宣傳新團歌《同往》，吸引過百Fans冒酷熱天氣支持！
講到姜濤同Alton喺直播節目互相留言「點名」，「姜勁」親解呢個「謎之企劃」，仲齊齊扮姜糖尖叫「姜濤」，笑爆全場！扮上癮嘅姜濤仲連Lokman拍MV時嘅領唱場口都玩一餐，笑到面紅耳熱，又爆笑還原封10蚊人情畀Ian嘅情景，甚至自爆一度諗過封單數，啋！笑指姜濤封10萬好笑過封10蚊，「金牛姜」就話10萬太難數，Jeremy聞言即爆Seed話：「10萬好易數啫！」令全場嘩然，但講到做Stanley伴郎唔使封人情，睇嚟豬仔數口好精喎！
講到Lokman同Alton可以同韓國人氣女團XG拍跳舞Reels，兩位大男孩竟然自認怕醜；AK就「葡萄」兄弟可以見韓國女團，仲話自己都想見aespa，又再三公開爭取希望團綜可以抽樓！
此外，MIRROR預告12月團Con全部環節都係團體同小組表演，不設Solo演出，想知點解就睇足本訪問啦！
