【Viu】改編自澳門真實新聞案件嘅電影《我未許願先吹蠟燭》,故事夠晒話題,金燕玲今次唔止做戲,仲主動約柯震東傾偈,分享人生忠告,原來背後有段故。柯震東為角色激增20磅,仲要硬食大量廣東話對白,連金姐姐都話替佢緊張!
Stanley邱士縉今次戲份唔多,但佢話從來唔介意,最緊要有得玩、有得發揮。講到賭場,金姐姐自爆幾乎識玩晒所有項目,但強調:「賭場唔會贏我錢,因為我唔會賭!」
11歲澳門小演員梅靜妍從300人中海選彈出,第一次拍戲就同兩位型男哥哥合作,仲話見到Stanley即刻變小粉絲,偷偷搜尋MIRROR舞台片睇!想知金姐姐同柯震東講咗咩人生忠告?梅靜妍拍喊戲諗起咩傷心事?Stanley點睇自己角色困局?即刻睇Viu1人物專訪啦!
