【Viu】由日本「鹽系男神」坂口健太郎、韓國男神李準基、香港爆肌男神Stanley邱士縉@MIRROR、台灣劇后柯佳嬿等主演嘅年度話題亞洲劇集《綁架遊戲 kiDnap GAME》 ,10月6號晚就會喺ViuTV網上平台首播。日前一眾主角齊齊現身東京出席世界首映禮,大表哥以日文介紹自己,又以英文發表感受,獲專程到現場打氣嘅Team Stanley熱烈鼓掌;李準基Oppa就話好緊張:「現在真的站在觀眾的立場上,從演員開始,真的很緊張。請大家加油。」佢喺行完紅地氈後更親切同fans握手,其間又不斷同坂口健太郎交流晒流利日文,仲喺首映禮上喪派心俾觀眾,小編都想要呀!
首映禮上,Stanley誠懇地對住觀眾深深鞠躬,更以廣東話表示開心可以見到唔同地方嘅演員,大家有文化交流,令佢學到好多嘢,佢表示:「我知道呢個project籌備咗幾年,亦知道製作團隊用咗好多努力先將件事完成,好開心可以見到唔同地方嘅演員、製作團隊,大家有文化交流,令我學習好多。你諗吓,一個作品可以見到七個城市嘅面貌,好值得。」而柯佳嬿就話能跟一眾演員嚟到現場,係特別嘅回憶,「這是我第一次跟日本團隊一起工作,我來過日本已經很多次,但這次真的很不一樣,是跟《綁架遊戲》啲演員一起來,對我來說是很特別的回憶,謝謝你們今天來這裏,謝謝。」快啲睇現場實況啦!
