【Viu】Stanley邱士縉同張錦程喺《COURT!》中針鋒相對,今次喺《日落下的彩虹》中可謂「無仇不成父子」,除咗有連場鬧交戲,當然唔少得派洋蔥嘅橋段。現實中,張錦程係Stanley嘅戲劇老師,對呢位徒弟仔同樣「又愛又恨」,令訪問笑料百出!
講返那些年嘅屋邨生活,張錦程同Stanley都係「屋邨仔」,當然有唔少難忘事,張錦程憶述當年孖同學仔喺樓梯間瘋狂吹水激發創意,最正係連同學仔嘅「性金句」都倒背如流,猛呀!而Stanley嘅初戀亦喺屋邨發生,玩到情緒勒索都箍唔到煲,估唔到「馬鞍山巨龍」都有呢日呀!想了解更多就睇訪問!
