【Viu】Feanna黃淑蔓同米爺@JFFT今日喺機場出席活動，當然要獻唱近期最Hit嘅洗腦歌《旋轉木馬》啦，米爺仲笑言第一次唔係著裙唱呢首歌，有啲唔慣，又自爆為咗反串扮Ichiban Girls而剃毛，搞到見紅呀！Feanna大讚米爺嘅女裝扮相好靚女，但最索依然係「牙粉」Arvin曾傲棐 ，甚至覺得牙粉嘅顏值開始威脅到牙蔓，有少少嬲咗佢咁話！
講到MV邀得Edan呂爵安演出「木馬王子」，網友以「世紀大和解」去形容呢個合作，米爺多謝Feanna促成呢件事，亦感謝Edan答應，但就後悔避開咗Edan嘅「肉嘴」喇！至於網友嘅兩極反應，米爺同Feanna預咗會有唔同聲音，但希望可以做到Edan提倡嘅「少啲仇恨」，令娛樂圈百花齊放，所以JFFT亦希望之後可以繼續同MIRROR合作㗎！
此外，Feanna親回同「牙石」Stone嘅緋聞，仲冧讚男方靚仔添！想知牙蔓同牙石有冇發展空間？睇足本訪問就知啦！
