【Viu】Edan呂爵安、Jer柳應廷同Jeremy李駿傑今晚喺《8點直樂 VIURIETY》大展廚藝，Jer唔止煮燶嘢，玩演技遊戲時仲示範「尼馬滾」；Jeremy就餵「鐵粉」Shirley食麵，巧Sweet呀！
Jer受訪時澄清自己廚藝OK，最叻煎牛扒，仲直認碌地方法係刻意向巴西球星尼馬致敬，仲自加配樂，笑爆全場！Jeremy就話自己要餵Shirley食麵好尷尬，所以全程唔敢望對方雙眼，淨係望住個嘴咁話！對於強尼提議下輯《大象的告示式》由Shirley做女主角，Jer竟然幫Jeremy落閘，話應該要由自己做女主角，點知畀Edan取笑Remy孭唔起佢！鍥而不捨想做女主角嘅Jer，再提議三子合拍《青蛇》，自己同Remy做白蛇同青蛇，Edan做許仙咁話，期待Max！
此外，Shirley直言今晚會笑住瞓，笑認係最好嘅生日禮物，但就唔敢接受強尼提議同Jeremy拍咀戲。同樣係6月壽星嘅Dixon黃奕晨就自爆被爹哋夏雨催婚，不過只敢煩自己，唔敢哦女友Kathy仔！想笑餐飽就睇足本訪問啦！
