【Viu】姜濤、Ian陳卓賢、Edan呂爵安同Stanley邱士縉昨日（10日）現身《Antetokounmpo Brothers Hong Kong Tour》活動，同綽號「字母哥」嘅NBA球星Giannis Antetokounmpo及兄弟大玩射波遊戲，四子見到NBA球星超興奮，笑言見到四位「高人」要考慮退出球壇，當姜濤得悉Edan吹字母哥兄弟耳仔時，仲爆笑反問：「你吹到咩？」
適逢Ian噚日正日生日，雖然壽星仔表明生日願望係唔想再聽生日歌，但三位百厭兄弟唱完又唱，仲嗌埋全場工作人員齊齊高歌，SLDPK呀！講到姜濤同Ian即將開騷，會唔會份外錫身？Edan就踢爆唔覺姜濤有就住；Ian就爆姜弟整親自己手指，咁叫佢做演唱會嘉賓補數咪得囉？「哥與弟」就答得好有默契喇！
此外，姜濤都有劇透澳門騷新花臣，Stanley即嗲爆要求姜濤包直升機請大家去睇騷！想睇MIRROR四子搞Gag就睇足本訪問啦！
