【Viu】方力申同劉浩龍今日出席由小方細佬方圓明主理嘅慈善機構活動，小方仲獻出愛女Isla嘅第一次，首度參加BB爬行大賽，爺爺、嫲嫲同外公都有嚟撐場打氣！Isla喺「電子奶嘴」同水泡嘅誘惑下，成功贏得冠軍，難怪叔叔方圓明大讚Isla遺傳咗方家嘅運動天天份呀！
小方直言太太葉萱之所以肯畀囡囡公開現身，全因為要撐叔叔同為慈善，如果自己開口要求一定被拒絕，仲自爆有時po囡囡得意相同片上社交平台都會畀太太鬧㗎！笑問太太今次開咗綠燈，之後會唔會有機會父女檔拍廣告呢？小方就話𦧲飯應，希望老婆明白自己搵錢有幾辛苦，如果囡囡可以開拓商機都係一件好事，好Real呀Bro！
此外，小方笑認今次細佬方圓明負責游說，自己負責游水，11月19號將會由香港游去澳門，抖一日就接力開慈善演唱會，為有需要兒童籌款，目標籌得一千萬，愛心爆棚！想睇Isla有幾可愛就睇足本訪問啦！
