【Viu】方力申今晚孖一班中國國家隊退役運動員，包括現任亞洲籃球聯合會主席姚明、中國香港體操總會推廣大使李小鵬、世界反興奮劑組織副主席楊揚、中國國家高爾夫球集訓隊女隊主教練馮珊珊等一齊出席慈善晚宴。
小方11月將會由大嶼山游去澳門做慈善，全長逾35km，佢話預計9個鐘完成，諗起都辛苦。小方話太太同囡囡Isla將會喺終點等佢，但又撒嬌話希望太太任「餵食員」，但太太就以「暈浪」拒絕，笑C！
講到日前喺內地酒吧騷疑向觀眾舉中指，小方還原真相，話見台下一位觀眾舉中指挑釁，佢只以手指回敬，目的俾對方知道自己睇到，但就否認係中指。咁有傳小方上台18分鐘唱咗3首歌就被請落台？小方霸氣話：「佢哋應該想我留耐啲嘅！」
而亞洲籃球聯合會主席姚明冒身高差接受記者訪問，佢表示嚟香港會出席活動、見見朋友，講到香港最鍾意同深刻嘅美食，姚明斬釘截鐵話：「不想了！」因為今年嚟咗3次食過嘅嘢太多。而妻女今次就冇同行，問到16歲囡囡姚沁蕾有冇跟佢同前中國女籃太太葉莉打籃球？姚明表示沒有，更話會尊重女兒想法。想感受充滿熱血嘅活動，入嚟睇片啦！
