【Viu】方力申紅館個唱今晚尾場超額完成，小方先孖陳曉東、Rain李彩華、Niki周勵淇Re-u《百分百感覺》，合唱主題曲《兩男一女》及《十分愛》。唱完後東東讚小方：「以前又唔覺你身材咁勁，而家硬嘢嚟！」Niki就笑稱：「不如除埋褲啦！淨係着泳褲！」然後小方再夥鄭中基、梁漢文Re-u《美女廚房》合唱《猛龍特警隊》，更鬥講泰文，笑C！
小方太太Maple葉萱抱住囡囡Isla、方父方母今晚再撐場，睇騷時方媽媽更興奮抱住孫女企起身跳舞，係愛呀！期間小方感謝多朋友愛錫，又自爆曾激嬲一親戚20年，最近先破冰咋陰功！佢又感慨目前只需𠱁掂屋企幾個老細，仲講到眼濕濕㖭！
雖然小方今朝游水後換褲時閃親條腰，要急做針灸兼物理治療，但今晚演出順利跳舞冇甩step，佢事後受訪話有喪啪止痛藥。咁早知唔換褲咪冇事？開完騷係咪要「復出」半夜幫手換片？小方就沾沾有個全能老婆容許佢唔知醒，講講吓又爆同老婆早有緣份，係咩啫？想知就入嚟睇片啦！
