【Viu】Jer@MIRROR亞博頭場騷賣大包，一次過喺後半part搵嚟兩位嘉賓crossover，分別係Edan、Moon Tang！Jerdan合體非同小可，即場加插一段8分鐘嘅棟篤笑，坐喺度齋笑都練成腹肌，有料有料！
Edan先搞笑問「傻闌」Jer係咪冇嘉賓先搵佢嚟唱歌？之後再苦口婆心叫Jer跟住落嚟都係專心唱歌，繪形繪聲咁將傻闌啱啱喺唱《飛》嗰陣尷尬叫全場企起身跳，真係畀佢笑死！然後Edan再指為傻闌任嘉賓係零壓力，因為「闌闌粉」柳炒一定係好鍾意佢，事關全靠Edan先有Jer，霸氣mode on揚言：「因為冇我，你哋就冇星追呀！」全場聽到拍爛手掌！
講完一輪笑之後，Edan都以感性mode指喺呢9年嚟見證住Jer經歷低潮期，但佢一直忠於自己、堅持做自我，又大讚柳炒支持Jer係good taste，希望大家日後多多支持老best Jer！有種愛叫Jerdan，真係令人動容呀！最後佢哋再帶嚟《Again！》，傻闌呢次有背好歌詞？
着住棗紅色平口高衩裙嘅Moon Tang，同Jer合唱咗《外星人接我回去》、《二十五圓舞曲》，兩把靚聲合體正爆！事後Moon Tang亦搞笑問Jer點解唔係揀唱《夜闌人靜》？Jer又點答？另外，Jer繼喺頭段表演打鼓後，唱到《有你有我》就以結他自彈自唱！繼續睇實況啦！
