【Viu】MIRROR今日全員出席《ViuTV 2026節目巡禮》，壓軸表演《DAY 0》同《BOSS》。講到Stanley同Lokman各有3劇在手，榮膺「邱視帝」同「楊視帝」，兩位就好謙喇，笑指喺《存酒人》擔正主角嘅Tiger，同樣係「邱視帝」，Stanley秒回：「佢係邱新人！」隊友隨即起哄話「好大官威」，笑爆全場！期間Tiger不時發表愛公司言論，呢班奀皮仔即刻將身上嘅貼紙痴落虎仔度，勁癲呀！
至於Edan首拍韓劇《模範的士3》預告片登場，佢就沾沾話自己好靚仔，髮型暫時都好靚，仲集氣可以同李帝勳宣傳添！Anson Lo就分享帶《造星VI》師弟上韓國音樂節目嘅感受，師兄仲「萬歲」請飲嘢添！Ian就分享腳傷情況，資訊量Max呀！
而姜濤就回應返請「海外學生糖」睇騷一事，仲親解演唱會主題係「冰火二重天」，MIRROR又再度起鬨喇！想同MIRROR齊齊大暴走就睇足本訪問啦！
