【Viu】《Hi MIRO！見面祭2025》第一回合今晚喺會展舉行，Stanley、姜濤、Edan同Jer除咗唱歌同互窒之外，仲大玩遊戲，第一回合嘅抛圈圈遊戲由Jer勝出，結果「大表姜」要化身「人肉轎」抬起阿Jer，做開Gym嘅Stanley當然好Easy，但姜濤就抬到面有難色，睇嚟阿Jer好「足秤」喎！
期間姜濤喺分享環節被要求模仿Jer、Stanley同Edan，形神俱備，笑爆全場！其後4子抽出幸運Fans上台合力砌砌圖，點知姜濤聽極都聽唔明遊戲規則，超級搞笑！最終Edan同爵屎最快砌好，三位輸家就要戴上貓貓面具做懲罰，向來玩得嘅Edan當然都從善如流，戴埋一份化身「呂爵貓」啦！最後四子仲落台同一眾MIRO握手，場面熱鬧又溫馨！
