【Viu】「Jerdan」Jer同Edan合體出席包包品牌event搵真銀，同場仲有韓國大勢女演員朴寶英，兼一眾女神王丹妮、Amy Lo、吳家忻等！數到MIRROR中嘅包包王，兩子謙稱未夠財力擔任，不及擁有最多橙色盒嘅Anson Lo多包包，認真笑爆嘴！講到Edan日前喺澳門騷表演谷胸爆鈕，佢得戚笑認可能係大隻咗，但又指唔夠厚實派嘅Jer嚟，追問胸肌數字，Edan答300，個單位係「吋」定「mm」先？
除咗爆鈕之外，Edan仲被爵屎capture到佢戴住耳機搵耳機嘅蝦碌事，佢笑言就算點𤓓，都好難超越「7界之王」嘅Jer，Jer自己又點睇？MIRROR新團歌《ATTENTION》MV已推出，Jerdan都話好鍾意今次呢個新嘗試，Edan大讚Jer係popping界嘅天才，而Jer則自爆越跳越起勁嘅tips！
Edan指自宣布參演港版《悠長假期》後，收到唔少創意P圖，當中最深刻嘅係將佢key落去長髮木村拓哉度，咁到時佢個look係咪都係長髮？Edan又大方話有noise都係件好事，可以令更多人留意到原作，對佢亦係推動力，現階段已同對手Ali李佳芯圍讀？
Jer日前Busking宣傳亞博騷反應勁好，會唔會再有快閃宣傳？佢又預告臨開騷前都仲有首新歌，所以之後仲會準備MV！Jer被踢爆噚晚踢波扭親腳，依家傷勢如何？另外，阿Sa啱啱宣佈已嫁健身教練男友Elvis，曾同阿Sa「健身」打牌嘅Jer有冇同Elvis「健身」？依家先睇足本訪問！
