【Viu】Tyson Yoshi今日出席快餐店活動推介Gym餐，身為「行走的卡路里計算機」佢，笑言同事最開心，以後唔使周圍幫自己張羅雞胸肉，又自爆就算同老婆Christy食飯都係「同枱食飯各自修行」，果然係自律之鬼呀！Tyson又話最近發現圈中有另外兩位「自律之鬼」，就係關智斌同張文傑，經常喺Gym Room相遇！
Tyson透露將於9月去台灣開騷，主力物色可以容納3、4千人嘅場地，仲預告會緊返全企位傳統！咦？咁咪可以順便探婁峻碩嘅BB囉？Tyson就話稍後都有工作要去台灣，一定會去探B，但同時都令自己好大壓力，好似要加快造人進度咁呀，但又明白要心情Relax先容易中獎，所以早排同Christy去澳洲探親都算放鬆心情，希望今年內有好消息啦！
想知Tyson入圍「CHILL CLUB年度唱作歌手」嘅感受？有冇信心贏「老Best」林家謙呢？大家睇足本訪問就知啦！
