【Viu】《1994》前傳《追 CHASING THE WIND》出世啦，今晚喺戲院舉行首映！繼續由Tyson Yoshi孖何圖執導，今次搵嚟又pure又true嘅Nancy歸綽嶢做女主角，仲有加埋反派成員German張文傑、朱鑑然同Stone參演！
Tyson笑話拍完堅係破產，繼上次揼咗一球拍《1994》之後，今次再揼多球半出嚟！不過佢話段分鐘計係平咗嘅，呢次片長25分鐘，又講到啱啱有參與第一場首映，爭啲滾動到流馬尿呀！微電影喺嚟緊嘅31號上映，Tyson留咗啲建議畀大家喺收睇前遵守！
戲中Tyson被German怒摑，TY竟然嗌好舒服，仲話被摑咗5巴都零痛楚！之後有幕同Nancy錫錫，佢澄清話只係借位咋，係咪驚老婆Christy呷醋先？講到搵Nancy做女主角，Tyson就係睇中佢夠清純、天真無邪，仲有細細粒嘅影子？Tyson更爆埋Nancy一分鐘內爆喊秘訣，咁佢又靠咩令自己爆喊？
Nancy久違以深髮亮相幕前，佢笑話原來係假髮嚟㗎，仲對吊威吔表示好玩，等同玩海盜船嘅感覺，呢個回答真係好可愛！而原來佢叫「小倩」背後係另一導演何圖嘅情意結，係咪好想知係咩呢？另外，Tyson今次又有向邊套港產片致敬？拍攝期間仲有咩趣事？即刻送上足本訪問片！
