【Viu】Tyson Yoshi今日出席時裝活動，以牛仔Look現身，仲分享「養褲秘方」，就係唔洗，仲話自己最貴嘅一條牛仔褲入手價幾萬蚊，依家已經炒到廿幾萬，有價有巿㗎！Tyson笑認牛仔褲多數襯白背心，或者唔著上身，咦，咁個Look咪同《古惑仔》張Poster一模一樣？佢就爆笑回應喇！
講到任達華日前喺活動度呼籲Tyson出首歌叫《捽甩佢》，搵埋太太Christy唱Rap，Tyson就將重任交畀老Best林家謙同Jeffrey，連MV都諗埋點拍，估唔到「行走的U記」係咁百搭㗎！講講吓，Tyson仲自爆同家謙唔熟，又以星爺金句嚟回應今年會唔會再著「爆乳裝」去《叱咤》搶Fo添！想知就睇足本訪問啦！
