【Viu】電影《寒戰1994》殺到！作為經典作《寒戰》、《寒戰II》嘅前傳，今次有大量新演員加盟，飾演經典角色嘅年輕時期，當中「李文彬」青年階段就由劉俊謙演出，事前都有參考年長版嘅影帝梁家輝演繹咁話！
「O記小隊」就有朱鑑然、Mandy，前者所飾演嘅「何國正」就係《寒戰II》楊祐寧嘅年輕版啦！至於「MIERROR」嘅Lokman、Stanley、阿Dee呢三大卧底嘅原形年長版演員就係黃文標、林偉同吳樾，唔知Lokman、阿Dee對加盟「寒戰」family有咩感受？同埋佢哋又點揣摩角色？演卧底有咩趣事？
為應付戲中連場嘅打鬥戲，佢哋話開拍之前有集體加操，正當劉俊謙一本正經咁憶述返特訓嘅情況嗰陣，Mandy跳出嚟笑話似係小學雞玩到失控，究竟佢哋係咪喺同一現場？其中一場喺停機坪嘅超驚險追逐戰，劉俊謙、阿Dee、Lokman，有咩難忘事開心share？
劉俊謙呢次主力同吳彥祖對戲，兩大男神相聚擦出啲咩火花？佢又爆「爸爸」元彪喺拍戲空檔，同佢分享咗過往開工嘅難忘事，例如喺6樓打個側空翻落地，聽到劉俊謙津津樂道！另外，《寒戰1994》又有冇延續《寒戰》、《寒戰II》嘅金句潮？想聽埋一份嘅就快啲去睇足本訪問啦！
