【Viu】電影《寒戰1994》今日舉行啟動禮，導演梁樂民率劉俊謙、Louise王丹妮、朱鑑然、Mandy譚旻萱、「阿Dee」何啟華現身，率先嚟個大劇透！「O記小組」阿Dee、Mandy、朱仔話拍前有一齊受訓，長時間練槍兼練武，不過阿Dee自嘲係玻璃造兼揸兜勁過揸槍，練習嗰陣已經有拉傷，所以最後就冇得喺戲入面展身手啦，會唔會好可惜先？
榮升打女嘅Mandy被公認最掂，但同朱仔自爆都有傷，就係心傷呀，因為見到「愛人」劉謙成日爆缸，原來佢哋個個都暗戀「李文彬」劉謙！佢哋又話都係第一次同男神吳彥祖合作，當中有咩難忘事？
飾演卧底嘅阿Dee又搞笑形容戲中造型似烏鴉，笠埋個假髮勁MK勁正咁話！活動期間佢爆埋MIRROR嘅Lokman、Stanley都有份參與，係「MIERROR」嘅合作！對兄弟保錡指自己身心有大打擊，阿Dee有冇關心？
劉謙同Louise呢對「黑白配」笑言當中情感複雜，有冇暗藏愛意先？講到O記小組都暗戀李文彬，劉謙又有咩感受？黑白配對上一次合作就係8年前嘅《梅艷芳》，劉謙搞笑闖女人大忌，笑言二人都奔往40歲，大個、成熟咗好多，keep住有默契！
飾演影帝梁家輝年輕版嘅劉謙，自認冇壓力，唔知劉謙幾時將份劇本畀「男主角」家輝？女主角方面又有冇心水人選？會唔會係老婆Cecilia蔡思韵？Cecilia近日喺台灣受訪表示同老公聚少離多，劉謙有咩保鮮大計？Long D同路人嘅Louise又有咩妙計share？先睇足本訪問！
