【Viu】AK江𤒹生、晚安莉莉今晚炸爆《Con-Con Mix Some Music音樂節》，完騷受訪，講到台上邊唱邊自摸，AK解釋只想捉住「下面」揈下揈下嘅鬚鬚。本尊今晚唱咗兩首日文動漫歌，佢謙稱以為熟到唔使練，原來得個殼，呢兩星期壓力山大唯有喪背歌詞。
AK又話呢幾日紅日會去為主演新片《我們不是什麼》謝票，仲預告如有好票房會Po猛料珍藏相出嚟㖭！電影入圍咗烏甸尼遠東電影節競賽單元，AK興奮表示稍後會孖導演邱禮濤飛意大利參與盛會！
而晚安莉莉今晚夾好以皮褸上陣，主音Sinnie雖然又跳又唱，但佢話唔怕隱蔽位出汗。佢哋又宣布嚟緊衝出香港，5月中飛日本做騷順便玩多幾日增進友誼。咁Sinnie同Lolly Talk又有冇近況可Update？想知咪睇足本訪問片囉！
