【Viu】由譚耀文、AK江𤒹生、ANSONBEAN主演嘅電影《我們不是什麼》今晚舉行世界首映，MIRROR兄弟Lokman、Frankie、Alton同ERROR嘅Dee哥以「MIERROR」姿態撐場；好兄弟蕭子墨更由台灣飛嚟力撐，女首富甘比都現身支持，可見AK係圈中係「人緣富翁」喇！
「雙Ansons」分享拍攝難忘事，最正係講到男男咀戲有冇伸脷時，竟然出現「曼德拉效應」，笑爆全場！當AK講到婉拒孖父母同場睇自己嘅激情戲份時，BEAN即恍然大悟話自己今晚請晒全家嚟捧場，連原本怕睇三級片嘅婆婆都嚟支持，唔知佢到時會唔會尷尬呢？
AK又講返前日派飛機欖宣傳新歌《攬緊處理》時被Fans挑機嗌「叔叔」，笑指頂盡嗌「哥哥」，叔叔就過份咗喇，仲笑言要就自己向遊客自稱為姜濤致歉喎！
而Thor就話同ANSONBEAN嘅床戲拍到濕晒兼「肺痛」，係咪好想知點解呢？此外，徐偉棟回應返同姚子羚「情變」嘅傳聞，想知就睇足本訪問啦！
