【Viu】音樂劇《愛登士家庭》幾位主演，包括香胤宅、J.Arie、Sinnie@Lolly Talk今日出席《香港音樂劇節2026》粉絲見面會，即席獻唱劇中曲目，場面熱鬧！對於有指「樂壇社工」張敬軒為Lolly Talk搭路過檔英皇，Sinnie首度回應傳聞，佢坦承Lolly Talk即將同現有經理人公司約滿，8位成員都有一齊思考前途問題，亦承認軒公有關心佢哋，同時亦有其他公司招手，但奈何自己有選擇困難症，去街市買棵菜都左諗右諗，所以暫時未有定案。咁簽公司有咩要求呢？Sinnie就話最緊要係8位成員有共識，可以照顧大家嘅需要，絕非易事！
此外，Lyman為咗喺音樂節唱廣東歌要搵J.Arie同Sinnie惡補中文，希望學多啲潮語，但笑言唔知咩係廣東話粗口噃！除咗廣東話，Lyman仲為咗練氣而報咗「生啤跑」10K賽事，又大方講埋生B計劃，想知就睇足本訪問啦！
