【Viu】古天樂呢期成日蒲頭見fans so sweet！今日佢現身尖沙咀海味雜貨舖活動，例牌專登行埋班fans影大合照同簽名！古生笑話揀蔘茸海味嘅重任都係交畀古媽媽，佢就只係負責食！唔知古生有冇撚手小菜呢？佢自爆私下最愛食凍嘢，冬天最愛食雪糕，又形容間房係「雪房」長期開最低溫度冷氣先瞓得着，莫非呢個就係古生「凍齡」秘訣？
講到有fans野生捕獲「龍芳CP」喺沙灘十指緊扣拍攝，究竟有咩驚喜？古生話嚟緊會約埋fans睇電視劇《尋秦記》大結局，貼心叫fans唔好通排！順帶提到古生日前疑遭fans用鐳射筆射眼，佢話當日冇特別感覺，亦唔見有fans拎住鐳射筆，又天馬行空笑住反問係咪有狙擊手？古生指雙眼雖然做咗手術，但眼水仍然未夠，特別係右眼，仲係喺保養期中！另外，古生隻新碟登上銷售排行榜No.1，遲吓會唔會真係搞返個簽唱會回饋fans？想知就要睇足本訪問啦
