【Viu】《2026香港電影導演會周年晚宴暨年度頒獎典禮》今晚舉行，導演會主席鄭保瑞導演笑認年年都話電影業界難撈，亦直認準備開拍嘅《九龍城寨之終章》預算亦有影響，唯有拉上補下，笑問會唔會叫古天樂減片酬？瑞導就話唔敢叫古生再減，廢事對方會燥喎，好Funny喎！至於盛傳曾經邀約日本男神木村拓哉參演，瑞導未有正面回應，只係話要向各位曾受傳聞影響嘅演員致歉，但就主動澄清吳彥祖嘅角色只係搵過對方演出，絕對冇「執二攤」呢件事！
對於瑞導話今次嘅動作戲有升級，笑提胡子彤有心理準備再斷腳，仲話有醫療團隊Stand By添！子彤就話相信拍攝團隊好專業，唔希望要動用醫療團隊，仲話好期待同吳彥祖喺尾聲嘅一段對手戲添！
訪問期間影后惠英紅加入同子彤聚舊，仲話想演袁澧林、子彤嘅媽咪，事關兩位都係靚仔靚女，又話每年都會留Quota畀新導演，自己只收利是仔就開工，Respect呀！此外，張繼聰同謝安琪首度回應「富貴病漢」募捐風波，想知就睇足本訪問啦！
