【Viu】Cantopop disco之夜又點會咁快完！繼續直擊Tiger@MIRROR嘅麥花臣騷！接住落嚟嘅就係Rock版嘅《失憶周末》、《大熱》，坐喺台下嘅MIRROR哥哥s全部彈起晒身一齊un，而喺台上嘅虎仔則出盡奶力喪揈，氣氛高漲！
去到講credit環節，虎仔變身幽默大師，以《First Love》做BGM，逐一感謝各個單位，又笑話不知不覺都27歲，成隊MIRROR遲吓個個都3字頭，引全場小虎隊Baby發笑！事後虎仔笑話係喺綵排嗰陣撞出嚟，睇嚟之後可以嘗試開talk show喎！
最後佢以結他自彈自唱出道作《ALRIGHT》作結，仲喺臨encore前投吓震撼彈宣布喜訊，就係6月尾會開Part 2！當Tiger講完一轉身見到成班樂手一字排開望住佢嗰陣，Tiger忍唔住攬實所有人爆喊，場面超感人！有關Part 2資訊，Tiger話佢只係知會喺原址舉行，公開爭取開足100場！
騷後問到Tiger有關Part 2嘅內容，佢話rundown上應該都會有改動，咁會唔會跳舞？會唔會邀Ian表演用子喉唱rock版《帝女花之香夭》先？又可唔可以除埋件白背心？虎仔又講到呢晚最爽係唱《大熱》、新歌《脫兔》嗰Part，落台同全場小虎隊零距離接觸，抵死笑話要check VCR睇吓有冇被抽水咁話！
至於提及「小虎妹」Kelly，Tiger坦言一知道要開騷就搵妹妹做琴手，揀唱《Fields of Gold》背後藏溫馨原因！見妹妹多次拭淚，Tiger笑稱妹妹係易喊體質，由細睇對方喊到大！另外，同師傅天衡battle結他有咩感受？而聽到《存酒人》橫掃民間電視7大獎、《四鏡大暴走》獲選民間最佳綜藝節目、民選最佳主持，Tiger又有咩得獎感言？即刻去聽歌兼睇足本訪問！
