【Viu】Stanley@MIRROR、Marf@COLLAR、Lyman、Yoyo今日現身活動，期間當「邱妹」Marf上台分享籌備首個solo con進度嗰陣，「邱兄」Stanley自薦做嘉賓，事後邱妹諗到條絕世好橋，仲笑話搵埋另一邱兄Tiger喺encore環節上台，邱氏兄妹合體究竟想搞乜東東？
最近大表哥「神癮」喺雪山中，佢自爆因工作關係，total飛咗3轉二世古，依家係時候修心養性，準備再入劇組！但講返個滑雪之旅，大表哥話都發生咗啲小插曲！佢又踢爆Jeremy滑上癮，今年主動嗌join，有冇進步神速？定都係終點見？Marf又指Locker都同KB飛咗兩轉滑雪，勁葡萄呀！見佢哋咁熱衷於滑雪，有冇興趣學影帝梁朝偉咁喺當地置業？學Marf話齋可以改名做「邱府」？
Edan噚日牛一，大表哥話生日群組會約食飯，但同時爆兒登冇覆佢個生日祝福！「呂假狗」近日成熱話，大表哥有冇覺得「巨龍」受威脅？有冇得battle？
