【Viu】古天樂今日同談善言、倪晨曦一齊現身品牌活動，古Daddy做完訪問後專登行埋去班「仔女」面前影大合照，勁寵粉呀！咪睇古生係大忙人，佢沾沾自認走在潮流嘅尖啄，平時打扮以便服為主！近日勁多電影晚宴、春茗活動，古生話試過一日走4場，咁堅？
《寒戰1994》日前公布全戲卡士陣容，古天樂加盟客串飾演特首，對網民指灰白髮戴眼鏡嘅鬍鬚造型同薯片叔叔兼加菲貓撞樣，古生又覺得似唔似？順帶講到佢喺最新廣告嘅嬌俏造型，戴晒皇冠又拎手袋，到底係真·嬌俏定係AI嚟？
由古生主演嘅「冰封作品」電影《偵戰》終於出咗海報，意味今年內上映？古生坦言好嘅檔期比起一次過晒冷出晒啲作品更重要，唔知嚟緊係咪堅考慮以「龍芳CP」，同老best宣萱拍《尋秦記》外傳？至於瘋傳木村拓哉喺《九龍城寨終章》嘅一角終由吳彥祖頂上，古生又點回應？
講到馮德倫出post表示古生係最大機會阻佢拎我最喜愛男歌手嘅人，古生笑言係馮德倫謙虛啫，之後爆料指雙方真係有諗過出合唱歌，really？小編在線等呀！
阿談首演舞台劇《鱷魚之吻》就獲提名劇后，佢難掩興奮話知道當刻係好大衝擊，用咗幾日時間接受，簡直超出預期咁話！如果對比起提名金像獎，邊個入圍衝擊較大？阿談透露遲吓約咗劇組一齊打牌，仲自爆由細到大都係「蹬腳」嘅「水魚」，咁細個有冇同中學同學Stanley打牌？當年大表哥嘅牌技如何？另外，即將生日嘅阿談有咩生日願望？古生仲有冇同混血肥仔聯絡？全部答案喺晒足本訪問片入面！
