【Viu】Kaho洪嘉豪今日推主理限量雜誌《KIKI》，創刊號為新歌《穿波鞋的惡魔》！噚晚已有約百位院友喺啟德通宵排隊，豪哥都話有啲心痛，但無奈雜誌只限售1500本，所以每位院友限買一本！自稱Gen Z嘅Kaho話希望大家接受呢次創新嘅宣傳方法，仲透露會出最少5本、最多6本，至於最終期係咪會擺埋隻碟喺入面，就有待商榷啦！有冇諗計打擊排隊黨？
為咗同院友一齊體驗晨早起去撲書嘅滋味，Kaho話今朝4點起身，專登出到去福榮街某便利店買書，之但係點解要「屯門之子」特登由屯門出到去深水埗呢？原來背後藏有原因㗎喎！Kaho笑話全城撲書呢件事係場心理戰，咁有冇買書tips？佢更揚言嚟緊每期出書都一樣會同院友一齊撲書，係愛呀！
限量1500本書都有專屬編號，Kaho又有冇特定靚冧想收藏？例如係「0001」、生日「1026」咁？另外，見Kaho喺新歌MV孭住女主角跑，total跑咗幾多轉？有冇喘氣？「黃金右腳」有冇腳仔軟？佢仲自爆有一個shot係影到佢腳震咁，院友可以搵搵呢個彩蛋喎！而早前同院友搞咗兩場BBQ有咩難忘事？老best陳蕾憑《普通人》再入圍金像獎原創電影歌曲，有冇恭喜蕾子先？依家先睇足本訪問！
