【viu】一連兩場《洪嘉豪Kaho Live 2024》今晚開鑼，當中Kaho以Black Pink配色look，蠱惑露腰大晒「華納舞王」英姿跳唱《 明星示範生Superstar》，期間不時舉手偷騷腹肌，勁鬼馬！唱到出道作《半天空檔》，院長秒換眼鏡look，加送一吓單眼電暈院友！唱至尾段仲拎住個電話，走到台邊同院友零距離自拍，勁寵粉！
是夜嘉賓請嚟「細妹」Marf@COLLAR，其實Marf一早以Dancer身份現身台上，當佢開聲同「哥哥」Kaho合唱《那年盛夏我們綻放如花》嘅主題曲《仍有心跳脈膊》時，全場驚喜尖叫，呢pair兄妹把聲超夾，之後Marf再solo唱《fOoL##》，好正！
《黑玻璃》FL5前奏一響，見Kaho連同最愛嘅FL5一齊升上台，開紅館騷都預埋愛車份，係有啲料到！而今晚嚟睇騷嘅嘉賓有Lolly Talk、Jeffrey、強尼、練美娟、Yanny、J哥@小薯茄、肥蚊@小薯茄、鍾雪瑩等，齊齊現身撐爆院長！即刻去片睇院長首個、首晚紅館騷實況！
