【Viu】當「豪BB」洪嘉豪遇上「蠔BB」會擦出咩火花？豪BB勁沾沾話呢個活動堅係非佢莫屬，仲話身邊經理人、同事見到「蠔BB」都心心眼！講到Tyson Yoshi送名錶慰勞班同事，唔知豪BB又會唔會自掏腰包送禮？
適逢Kaho今個星期日（26日）生日，大會特別送上生日蛋糕慶祝，壽星仔亦有即場許願！而豪BB後日就會喺澳門舉行生日party，講到明會着浴袍、會濕、唱歌、玩遊戲，咁又會唔會跳舞呢？
壽星仔又指生日正日會同屋企人食飯慶祝，暫時未有朋友約局，定係佢miss咗啲message先？噚日笙記話豪BB成日唔覆機，笑問老友係咪掛住拍拖？笙記答到窒晒機咁，勁有嫌疑囉！今日問返當事人豪BB，佢笑話笙記噚日已經自投羅網，笑踩對方轉數慢，應該要做好啲反應，唔會引人誤會咁話！咁到底豪BB係咪拍拖？佢又會唔會赴約同笙記食飯？
日前叱咤舉行記者會，Kaho話今年少咗「氣氛小組」MIRROR的確係少咗啲歡樂，指一年都少見AK，即使AK加盟咗FC3都冇見過！講到豪BB去年憑《黑玻璃》攞歌曲獎第七位，今年有信心攞獎？另外，對張敬軒指想搣甩「軒公」呢個名，Kaho又點睇？佢平時係點稱呼對方？足本訪問片已ready！
