【Viu】洪嘉豪、「香港飛魚」歐鎧淳同香港霹靂舞代表運動員曾子驊（Bboy Think）今日出席品牌活動，淳BB話想睇嘉豪踢波，仲話港隊訓練時都有聽「豪歌」，搞到嘉豪勁沾沾，笑認係「全職足球員」，但冇怠慢歌手工作，事關噚日同Jer、陳健安等組隊比賽後，仲趕住去電台做Live。
至於場波呢，雖然唔似Jer同安仔有波入，但自己都有一球射中柱㗎，仲High爆話中柱難過入波，呢句又真喎！嘉豪仲話想叫隊友Jer同安仔半裸踢波派福利，希望到時會Call小編探班啦！
講到同門師弟Gareth T.嘅「令山轉」宣傳手法成功洗版，嘉豪又打算點樣力谷新歌《親愛的》呢？估唔到睇開星爺同張家輝喜劇嘅佢，都有Hang機嘅一日，認真搞笑！
此外，Bboy Think同C Plus喺ViuTV節目《Dance x Crew》中嘅「港隊對決」獲網友熱捧，Bboy Think就將團隊落敗嘅原因攬晒上身，仲話之後未必會再參加同類型節目，想知點解就睇足本訪問啦！
