【Viu】MC張天賦、Gareth.T 湯令山、Dear Jane、陳蕾、Kaho洪嘉豪、CONSTANCE康堤、Kiri T等今年走訪6間大專院校做SCHOOL TOUR，尾站亦喺日前舉行完！身為華納小師妹嘅康堤被稱「傻豬豬」，被師兄師姐黐整蠱貼紙喺背脊先上台演出，更大叫超級緊張：「我到最後好喘氣，見到學生好興奮，我又好興奮！跟住最後我就冇氣。」
Kaho喺演唱新歌《下世愛你》時，全場不斷大叫「洪嘉豪！我愛你呀！」、「洪嘉豪！你好靚仔呀！」MC亦乘機宣傳即將舉行嘅澳門演唱會，學生紛紛大叫：「加場！！買唔到飛呀！！」其後Gareth.T演唱Hit歌《用背脊唱情歌》炒高氣氛，Gareth更再次「令山轉」！想感受現場氣氛，入嚟睇現場實況片啦！
