【Viu】阿Sa蔡卓妍、Michelle衛詩雅、黃又南、盧覓雪與導演梁柏堅今日現身荃灣一商場出席《再見UFO》電影分享會。但場內發生小插曲，一名戴假髮女狂迷向活動現場大叫，更將一支膠樽裝咖啡瞄準Michelle及又南嚟掟，差啲中招。阿Mi話聽到對方鬧自己：「你搶我男人！」阿Sa憶N年前遇過被熱情fans掟螢光棒；又南話以前唱歌表演都目擊過有人被吐口水。
阿Sa表示電影拍完接近8年先上映，巧大感觸。聽日係白色情人節，有冇為健身教練男友準備咗禮物？講到近日為英皇25周年家族騷孖阿嬌操出馬甲線，阿Sa就冧俾Credit男友喇！但又無奈被網民話P圖，阿Sa冇好氣話：「啲人鍾意乜都鬧咗先，冇所謂！」
Michelle同又南更憑電影入圍金像獎最佳男、女配角，佢哋話已準備靚衫行紅地氈，阿Mi仲mark咗老公周醫生鐘添喇！日前周醫生生日，周太首度預備驚喜，先帶老公去買包包，再切有兩人樣貌嘅蛋糕，佢仲大膽話想撮合同係單身嘅又南、周家怡添呀！想聽吓咁好笑嘅訪問，嗱嗱聲入嚟睇片啦！
