【Viu】Michelle衛詩雅同黃又南喺新戲《失衡凶間之罪與殺》入面，一位飾演過氣偶像，另一位就飾演有戀髮癖嘅變態髮型師，當中不乏打鬥場口，Michelle仲俾又南折磨，要夾硬扯啲頭髮落嚟，真係聽到都覺得痛啊！又南仲大讚Michelle專業，有場戲講Michelle俾又南用索帶綁住，即使鏡頭唔會影到隻手，但為求更加逼真，Michelle依然要求工作人員用索帶綁住自己，令又南非常佩服！
而鬼馬嘅佢哋，做做下訪問，講緊頭髮真係好重要嗰陣，居然突然「賣廣告」，話其實係想介紹佢哋嘅護髮產品，真係俾佢哋笑死啊！唔知電影上映後，佢哋會唔會得到廣告商垂青，齊齊接job做代言人呢？
