【Viu】Stanley邱士縉早前宣佈同拍拖9年女友Alina訂婚，今日首度出席公開活動報喜，宣佈將於年底結婚，明年就可以派雙封利是，但婚禮細節未傾好，一切交由Alina全權話事，自己只負責簽支票同Say Yes，果然係廿四孝未婚夫！Stanley表示有親自向MIRROR兄弟度期出席婚禮，但笑言姜濤同Jeremy唔使爭做伴郎喇，因為婚禮當日未必可以分身照顧姜濤，所以伴郎呢啲粗重嘢交畀細心嘅Jeremy就最啱，仲點名Edan同Tiger負責頂酒添！
至於求婚過程，Stanley雖然想保持神秘，但都透露咗少少詳情，佢話喺外國旅行期間一直袋住戒指，只要Mood到就隨時求婚，仲話有跪地，但冇花束，最爆笑係兩個都著到送外賣咁款！想一齊分享「MIRROR第一位人夫」嘅喜悅就睇足本訪問啦！
