【Viu】Jeremy李駿傑今日出席新春活動，仲即席轉桃花樹，莫非「豬仔」想反超前「巨龍」Stanley閃婚？Jeremy就耍手擰頭，唔接受「太閃」喎！講返Stanley同Alina公佈訂婚，Jeremy坦承比大家早少少知情，但求婚細節就留返畀當事人講喇，咦？咁係咪上年年尾去日本滑雪嗰陣成事呢？Remy就繼續以《骰界》嘅「演技」作答，大家睇片搵端倪啦！
話題一轉去到《骰界》，Jeremy直言好Enjoy拍攝呢個節目，可以化身「李呃人」過戲癮，仲集氣想開第二季。笑指第二季可以搵MIRROR兄弟齊齊玩，Remy就公開隊友中嘅「智將」身份，笑Cry呀！
新年將至，Jeremy當然要分享吓新年大計，仲有攻打四方城大計，會唔會再約女神佘詩曼呢？又想飛起邊位鐵腳呢？想知就睇足本訪問啦！
